Teńgeniń aınalymǵa engizilýi derbes ekonomıkalyq keńistigimizdiń qalyptasýyna negiz boldy - Túımebaev
ASTANA. QazAqparat - Ońtústik Qazaqstan oblysynyń ákimi Janseıit Túımebaev oblys turǵyndaryn tól teńgemizdiń týǵan kúnimen quttyqtap, óziniń jyly lebizin bildirdi.
«Qurmetti qarjygerler! Sizderdi Táýelsizdigimizdiń tuǵyrly nyshandarynyń biri tól teńgemizdiń jáne qarjygerlerdiń kásibı merekesimen quttyqtaımyn! 1993 jyly 15 qarashada Memleket basshysy Nursultan Ábishuly Nazarbaevtyń Jarlyǵymen ulttyq valıýtamyz teńge aınalymǵa engizildi. Osy tarıhı oqıǵa derbes ekonomıkalyq keńistigimizdiń qalyptasýyna negiz bolyp, Qazaqstannyń ózindik qarjy naryǵynyń túptamyry bolyp qalyptasty. Osy jyldar ishinde júrgizilgen baıypty ekonomıkalyq reformalar Qazaqstannyń qarjy júıesin nyǵaıtyp, tolaǵaı tabystarǵa qol jetkizildi. Ulttyq valıýtamyzdy aınalymǵa engizýdiń arqasynda Qazaqstan erkin saýda aınalymyna qadam basyp, derbes qarjy saıasatyn júrgizý quqyǵyna ıe boldy. Elimizdegi bank júıesi órkenıetti elderdiń aldyńǵy qatarly qarjy uıymdarymen teń dárejeli boldy. Mundaı tolymdy isterge aqsha-nesıe saıasatyn jemisti júzege asyryp otyrǵan Sizderdiń de qosqan úlesterińiz qomaqty dep bilemin»,-dep atap ótti aımaq basshysy óz quttyqtaýynda.
Sonymen qatar ol, qarjygerlerge qarata aıtqan quttyqtaýynda olardyń jaýapty jumystaryna tolaǵaı tabystar tiledi.
«Qurmetti qarjygerler! Sizder elimizdiń, sonyń ishinde ońtústik óńiriniń əleýmettik-ekonomıkalyq damýyna súbeli úles qosyp kele jatqan bilikti mamansyzdar. Búgingi merekelerińizde el ıgiligi jolyndaǵy jaýapty jumystaryńyzǵa tabystar tileı otyryp, Táýelsiz Qazaqstannyń ósip-órkendeýi jolynda teńgemiz ekonomıkamyzǵa tegeýrindi qyzmet etsin degim keledi! Barshalaryńyzǵa myqty densaýlyq, otbasylaryńyzǵa baq-bereke, amandyq tileımin!»,-dedi Janseıit Qanseıituly.
