Teńgeniń AQSh dollaryna qatysty baǵamy 0,2 paıyzǵa nyǵaıdy -Ulttyq bank tóraǵasy
ALMATY. Sáýirdiń 7-ci. QazAqparat /Erlik Erjanuly/ - Naýryzda valıýta naryǵy jetkilikti deńgeıde tynysh boldy.
Ony Ulttyq bank tóraǵasy búgin Almatyda ótkizgen baspasóz máslıhatynda aıtty, dep habarlaıdy QazAqparat.
«Naýryzda teńgeniń AQSh dollaryna qatysty baǵamy 146,89-147,45 teńge aýqymynda ózgerdi. Ulttyq valıýta 0,2 paıyzǵa nyǵaıdy jáne aıdyń aıaǵynda bırjalyq baǵamy 1 AQSh dollary úshin 146,98 teńgeni qurady. Sondaı-aq aqpanǵa qaraǵanda naýryzda biz dollardy az satyp aldyq. Ol 400 mıllıon dollardy qurady», deıdi Ulttyq bank tóraǵasy Grıgorıı Marchenko. Onyń aıtýynsha, Qazaqstan qor bırjasyndaǵy bırjalyq operatsııalardyń kólemi qosymsha saýda-sattyqtardaǵy mámilelerdi esepke alǵanda, aqpanmen salystyrǵanda 26 paıyzǵa azaıdy jáne 3,7 mıllıard dollardy qurady. Al bırjadan tys valıýta naryǵyndaǵy operatsııalardyń kólemi 34,4 paıyzǵa tómendep, 4,1 mıllıard dollar boldy.
