Teńgeniń 25 jyldyǵyna oraı Ulttyq bank derekti fılm usyndy
ALMATY. QazAqparat - Qazaqstan ulttyq valıýtasy - Teńgeniń 25 jyldyǵyn merekeleýge oraı QR Ulttyq banki «Teńge: 25 jyl birge» atty derekti fılmdi usynyp otyr, dep habarlaıdy QazAqparat. Bul týraly atalmysh qarjy qurylymynyń facebook-tegi paraqshasynda jazyldy.
«25 jylda teńge ǵana emes, elimizdiń búkil qarjy júıesi de birneshe damý satysynan ótti. Eldiń qarjy naryǵy barynsha aıqyn boldy, jańa tehnologııalyq jáne tsıfrlyq sheshimder keńinen engizilýde, jańa baǵdarlar men maqsattar alǵa qoıylýda, olardyń kómegimen Qazaqstannyń qarjy júıesi ári qaraı tabysty damýyn jalǵastyrady»,-delingen habarlamada.
«Teńge: 25 jyl birge» atty derekti fılmniń premerasyn 2018 jylǵy 15 qarashada «Habar» telearnasynda memlekettik tilde 17:30-da, orys tilinde 15:00-de, sondaı-aq «KazakhTV» telearnasynda orys tilinde 21:20-da kórýge bolady.
