Teńgelik salymdardy qorǵaý baǵdarlamasy qandaı depozıtterge qatysty - QR Ulttyq banki
Úkimet pen Ulttyq Bank jarııalaǵan teńgelik salymdardy qorǵaý baǵdarlamasynyń qandaı depozıtterge qoldanylatyndyǵy týraly Ulttyq bankke kóptegen saýaldar kelip túsýde. Jáne bul Baǵdarlamaǵa engizilmegen, talap etilgenge deıingi depozıtterge turǵyndar arasynda keń taralǵan aqshany tolyqtyrý jáne alý quqyǵymen belgili bir kezeńge ashylatyn depozıtter jatqyzyla ma?
Úkimet pen Ulttyq Banktiń birlesken málimdemesinde Baǵdarlama aǵymdaǵy jáne kartochkalyq shottarǵa, sondaı-aq, talap etilgenge deıingi depozıtter men shartty depozıtterge qoldanylmaıdy delingen.
Talap etilgenge deıingi depozıtterde merziminen buryn alý quqyǵymen qatar depozıtterdiń osy túrine ǵana jatatyn birqatar belgiler bar. Birinshiden, olar boıynsha syıaqy mólsherlemesi 0,1% deńgeıinde shektelgen. Ekinshiden, onyń merzimi shektelmegen, ıaǵnı kelisimsharttyń belgili bir merzimi joq.
Bul depozıtter qazaqstandyq bank júıesinde keń taralmaǵan - olardyń úlesi jeke tulǵalardyń teńgelik salymdarynyń shamamen 0,1%-yn quraıdy.
Baǵdarlamaǵa qazaqstandyq ekinshi deńgeıdegi bankterdiń barlyǵynda paıyzdyq mólsherleme boıynsha qoljetimdi, sondaı-aq merziminen buryn alý múmkindigi qarastyrylǵan, keń taralǵan merzimsiz, merzimdi teńgedegi depozıtter qatysa alady. Budan basqa, Baǵdarlamaǵa teńgedegi jınaq depozıtteri, «Otbasy bank» AQ-daǵy turǵyn úı qurylys jınaq depozıtteri, sondaı-aq memlekettik bilim berý jınaqtaý júıesi aıasynda ekinshi deńgeıdegi bankterden ashylǵan salymdar qatysa alady.
Bul depozıtterdiń barlyǵy 2022 jylǵy 23 aqpan kúniniń sońyndaǵy jaǵdaı boıynsha salymdarǵa kepildik berý júıesine qatysýshy – bir nemese birneshe ekinshi deńgeıdegi bankte jáne «Otbasy bank» aktsıonerlik qoǵamynda ashylǵan bolýy tıis.
Jaqyn ýaqytta Úkimet pen Ulttyq Banktiń bıýdjet qarajaty esebinen jeke tulǵalardyń depozıtteri boıynsha ótemaqy (syıaqy) esepteýdi reglamentteıtin tıisti aktilerdi qabyldaıdy.
