Teńgege baılanǵan steıblkoınge suranys artady – Ulttyq bank sarapshysy

ASTANA. KAZINFORM – Teńgege baılanǵan steıblkoınge suranys artady. Bul týraly Kazinform agenttiginiń BIZDIÑ ORTA podkastynda Ulttyq banktiń ınnovatsııalar boıynsha sarapshysy Baqyt Smekenov málim etti. 

Onyń aıtýynsha, Qazaqstandaǵy ulttyq valıýtaǵa baılanǵan steıblkoın mańyzdy qarjy tetigi sanalady.

– Munyń ereksheligine toqtalsaq, ulttyq valıýtamen qamtamasyz etiledi. Qazir ol bizdegi krıptonaryqtaǵy tranzaktsııalar jasaý úshin, ıaǵnı krıptoaktıvterdi satyp alý nemese satýda esep aıyrysý tetigi retinde qoldanylady. Keleshekte bul steıblkoın halyqaralyq tólemderde transshekaralyq esep aıyrysý shemasynda paıdalanylady. Osy oraıda steıblkoınge qatysty suranys joǵary bolady, - dedi B. Smekenov. 

Onyń aıtýynsha, osy protsestegi halyqtarylyq tólemder aıasynda ulttyq valıýtamyz teńgeni qoldaný keńistigin keńeıtedi. 

– Qazir Ulttyq banktiń retteýshi synaq alańynda teńgege baılanǵan steıblkoın iske qosylyp jatyr. Aldaǵy ýaqytta altynǵa baılanǵan steıblkoındar bolýy múmkin. Bizge startaptar kelse, olardy qarastyrýǵa daıynbyz, - dedi sarapshy. 

Eske salsaq, bıyl qyrkúıek aıynda Qazaqstanda teńgege baılanǵan alǵashqy steıblkoın iske qosyldy.  

Bul turǵyda Eýrazııalyq banktiń basqarma tóraǵasy Lázzat Satıeva teńgege baılanǵan steıblkoındi paıdalaný múmkindigi jaıynda túsindirdi.