«Teńgege 30 jyl» merekelik medali taǵaıyndalady – Prezıdent Jarlyǵy

ASTANA. QazAqparat – Ulttyq valıýta – teńgeniń aınalysqa engizilgenine 30 jyl tolýyna arnalǵan merekelik medaldi bekitý týraly Prezıdent Jarlyǵynyń jobasy jarııalandy, dep habaraıdy QazAqparat tilshisi.

«Qazaqstan Respýblıkasynyń ulttyq valıýtasy – Qazaqstan teńgesiniń aınalysqa engizilgenine 30 jyl tolý qurmetine qaýly etemin:

1. «Teńgege 30 jyl» merekelik medali taǵaıyndalsyn.

2. Qosa berilip otyrǵan:

1) «Teńgege 30 jyl» merekelik medalimen nagradtaý qaǵıdalary;

2) «Teńgege 30 jyl» merekelik medaliniń sıpattamasy bekitilsin», - delingen Przıdent Jarlyǵynyń jobasynda.

Qujatta kórsetilgendeı, merekelik medaldi myna laýazymdaǵy tulǵalar Memleket basshysynyń atynan tabystaýǵa quqyly:

- Ulttyq bank tóraǵasy;

- Ulttyq bank tóraǵasynyń orynbasarlary;

- Ulttyq bank fılıaldarynyń, Ulttyq banktiń Almaty qalasyndaǵy turaqty ókildiginiń jáne Ulttyq bank uıymdarynyń birinshi basshylary;

- Ulttyq banktiń tóraǵasy aıqyndaıtyn ýákiletti tulǵalar.

«Merekelik medalmen QR ulttyq valıýtasy – Qazaqstan teńgesiniń jáne QR qarjy júıesiniń damýyna jáne nyǵaıýyna, QR memlekettiliginiń qalyptasýyna jáne áleýmettik-ekonomıkalyq damýyna eleýli úles qosqan QR azamattary jáne shetel azamattary nagradtalady», - delingen «Ashyq» NQA portalynda jarııalanǵan qujatta.

Prezıdent Jarlyǵynyń jobasy 21 sáýirge deıin kópshilik talqylaýda bolady. Keıin qol qoıý úshin Memleket basshysyna joldanady.