«Teńgege 25 jyl» kollektsııalyq monetalar aınalymǵa shyǵady
ASTANA. QazAqparat - Ulttyq bank «Teńgege 25 jyl» kollektsııalyq monetalaryn aınalymǵa shyǵarady. Bul týraly QazAqparat Banktiń baspasóz qyzmetine silteme jasap.
«Ulttyq bank 2018 jylǵy 5 qarashada nomınaly 5000 jáne 500 teńgelik kúmisten jáne nomınaly 100 teńgelik melhıor qospasynan «Este qalatyn oqıǵalar men birtýar adamdar» monetalar serııasynan «Teńgege 25 jyl» kollektsııalyq monetalaryn aınalysqa shyǵarady», - delingen banktiń habarlamasynda.
Nomınaly 5000 jáne 500 teńgelik «Teńgege 25 jyl» monetalarynyń sıpattamasy:
Monetalardyń bet jáne syrt jaqtaryndaǵy beıneler birdeı. Monetalar altyndatý jáne túrli tústi basý tehnologııasyn qoldana otyryp kúmisten daıyndalǵan.
Monetalardyń bet jaǵynda (aversinde) jyltyr betinde 1997 jylǵy úlgidegi nomınaly 1 teńgelik monetanyń altyndatylǵan beınesi ornalastyrylǵan. Monetany aınaldyra ońyn nomınaly, soǵylǵan jyly, moneta daıyndalǵan metaldy, synamy men massasyn bildiretin jazba jáne «QAZAQSTAN RESPÝBLIKASY» men «REPUBLIC OF KAZAKHSTAN» jazbasy beınelengen.
Monetalardyń syrt jaǵynda (reversinde) 1993 jylǵy úlgidegi qazaqstandyq monetalardyń aıasynda nomınaly 1 teńgelik banknot beınelengen. Banknottyń ústinde 1997 jylǵy úlgidegi nomınaly 1 teńgelik monetanyń reversiniń altyndatylǵan beınesi bar «Teńgege 25 jyl» degen jazba jáne 1993 jylǵy úlgidegi monetalar beınelengen.
Nomınaly 100 teńgelik melhıor qospasynan «Teńgege 25 jyl» monetalarynyń sıpattamasy:
Monetalardyń bet jaǵynda (aversinde) Qazaqstan Respýblıkasynyń eltańbasy, nomınaly jáne ulttyq oıý-órnek elementteri beınelengen. Aınaldyra «QAZAQSTAN ULTTYQ BANKІ» jáne «NATIONAL BANK OF KAZAKHSTAN» degen jazba ornalasqan.
Monetalardyń syrt jaǵynda (reversinde) Ulttyq Banktiń logotıpi jáne ulttyq valıýtanyń engizilý jylyn jáne moneta soǵylǵan jyldy bildiretin «1993-2018» degen jazba, 1997 jylǵy úlgidegi nomınaly 1 teńgelik moneta reversiniń bederli beınesi bar «Teńgege 25 jyl» degen jazba beınelengen.
Nomınaly 5000 teńgelik monetalar 925 synamdy kúmisten jasalǵan, massasy - 1 kg, dıametri - 100 mm, daıyndaý sapasy - «proof», taralymy - 200 dana;
Nomınaly 500 teńgelik monetalar 925 synamdy kúmisten jasalǵan, massasy - 62,2 gramm, dıametri - 50 mm, daıyndaý sapasy - «proof», taralymy - 1000 dana;
Nomınaly 100 teńgelik monetalar melhıor qospasynan, massasy - 11,17 gramm, dıametri - 31 mm, daıyndaý sapasy «brilliant uncirculated», taralymy - 30 myń dana.
Nomınaly 5000, 500 teńgelik jáne 100 teńgelik kollektsııalyq monetalar Qazaqstan Respýblıkasynyń búkil aýmaǵynda kórsetilgen qunymen tólemniń barlyq túrleri boıynsha, sondaı-aq bank shottaryna esepteý úshin jáne aýdarym jasaý úshin qabyldanýǵa mindetti, Qazaqstan Respýblıkasynyń barlyq bankterinde shekteýsiz usaqtalady jáne aıyrbastalady.
Kollektsııalyq monetalardy «Qazaqstan Respýblıkasy Ulttyq Bankiniń Qazaqstan teńge saraıy» sharýashylyq júrgizý quqyǵyndaǵy respýblıkalyq memlekettik kásiporny daıyndaǵan.
Monetalardyń dızaıny Qazaqstan Respýblıkasy Prezıdentiniń 2003 jylǵy 25 qyrkúıektegi № 1193 Jarlyǵymen bekitilgen Qazaqstan teńgesi - ulttyq valıýta banknottary men monetalary dızaınynyń tujyrymdamasyna sáıkes ázirlengen.
Monetalar kollektsııalyq quny boıynsha satýǵa arnalǵan.
Kúmis monetalar kádesyılyq oraýmen shyǵarylady jáne Qazaqstan Respýblıkasy Ulttyq Bankiniń memlekettik, orys jáne aǵylshyn tilderindegi nómirlik sapa sertıfıkatymen jabdyqtalǵan.
