Teńgedegi depozıtterge ótemaqy alýǵa ótinish berý merzimi uzartyldy

ASTANA. QazAqparat - Qazaqstanda teńgedegi depozıtter boıynsha 10% mólsherinde ótemaqy tóleýge ótinish berý merzimi uzartyldy. Bul týraly QazAqparat Qazaqstannyń depozıtterge kepildik berý qoryna silteme jasap habarlaıdy.

«Bul týraly QR Úkimetiniń tıisti qaýlysyna qol qoıyldy jáne ol resmı túrde alǵashqy jarııalanǵan kúnnen keıin 10 kún ótken ótken soń kúshine enedi. Qujatqa sáıkes bankter salymshylardan ótinishterdi 2023 jyldyń 10 aqpanyna deıin alýdy jalǵastyrady. Osylaısha buǵan deıin ótinish berip úlgermegen depozıtorlar ótemaqy alý boıynsha kelisimin rastaı alady», - delingen habarlamada.

Eske salsaq, teńgedegi depozıtterge ótemaqy alýǵa ótinish berý 2023 jyldyń 1 qańtarynda aıaqtalǵan edi. Sońǵy málimetter boıynsha, bankter 284 mlrd teńgege ótinim qabyldady, bul – tólenetin ótemaqynyń yqtımal somasynyń 85%-y.

Ótemaqy tólemderi 2023 jyldyń 23 aqpanynan keıin bastalady. Sondaı-aq, 10% ótemaqy alynýy múmkin eń joǵary soma – 20 mıllıon teńge.

Búgin Úkimet basshysy Álıhan Smaıylov jeke tulǵalardyń ulttyq valıýtada ornalastyrylǵan depozıtteri boıynsha ótemaqy (syılyqaqy) tóleý qaǵıdalaryn bekitetin Qaýlyǵa qol qoıdy.