Teńge jyl basynan beri 1,2 paıyzǵa álsiredi - Ulttyq bank
«Tikeleı sheteldik ınvestıtsııalardyń taza ákelinýi ótken jylǵy kórsetkish deńgeıinde qalyptasyp, 5,1 mlrd dollar boldy. Ol beırezıdentterdiń kiristerin qaıta ınvestıtsııalaýmen jáne rezıdentterdiń sheteldik enshiles uıymdarynan kapıtalyn qaıtarýymen qamtamasyz etildi», - dedi UB tóraǵasy.
Onyń aıtýynsha, portfeldik ınvestıtsııalar boıynsha kapıtaldyń taza áketilýi 13 paıyzǵa azaıyp, 9 aıda 2,6 mlrd dollar boldy. Kapıtaldyń ákelinýi Qarjy mınıstrliginiń 3-toqsanda 1,15 mlrd eýroǵa eýrooblıgatsııalar shyǵarýymen jáne «Qazatomónerkásip» UAK» AQ jahandyq depozıtarlyq qolhattaryn satýmen qamtamasyz etildi.
«Іshki valıýta naryǵyndaǵy suranys pen usynysqa ımporttyń baıqalyp otyrǵan ósimi jáne álemdik shıkizat naryqtaryndaǵy baǵa qubylmalylyǵy áser etti. Qazannan bastap 11 qarashaǵa deıin teńgeniń álsireýi bir dollar úshin 388,74 teńgege deıin, ıaǵnı 0,2 paıyz boldy. Bul kezeńde teńge baǵamy bir dollar úshin 388,05–390,12 teńge sheginde ózgerdi. Jyl basynan bastap álsireý 1,2 paıyzdy qurady», - dedi E.Dosaev.