Teńge nege álsirep jatyr – Ulttyq bank túsinik berdi
Álııa Moldabekova ishki naryqtaǵy jaǵdaı men qazirgi munaı baǵalarynyń áserinen teńgeniń «áldene almaýyna» qatysty sarapshylardyń pikirine toqtaldy.
«Shynymen munaı baǵasy bir aıda 8,4%-ǵa ósken kezde maýsymda teńge baǵamy 30 shildede jabylý boıynsha bir AQSh dollary úshin 424,95 teńgege deıin 0,9%-ǵa ortasha nyǵaıdy. Munaı ulttyq valıýtanyń baǵamyna áser etetin negizgi faktor bolýyn jalǵastyrýda. Munaıdyń oń serpininen teńgeniń jetkiliksiz áser etýi teńge baǵamy syrtqy jáne ishki faktorlardy qosa alǵanda, teris faktorlar jıyntyǵynyń yqpalynda bolýymen túsindiriledi»,- dedi Álııa Moldabekova .
Onyń aıtýynsha, bir aı ishinde damýshy naryqtar valıýtalarynyń jalpy teris serpinin jáne álemdik valıýta naryǵynda AQSh dollary baǵamy ózgergen.
«Al maýsymda teńgege qysym kórsetken ishki faktorlar týraly aıtsaq, onda birinshi kezekte iskerlik belsendilik qalpyna kelýi jáne keıinge qaldyrylǵan suranys iske asyrylýy aıasynda taýarlar ımportynyń ósýin atap ótken jón. Biz 2021 jylǵy qańtar-sáýirde ótken jylǵy uqsas kezeńmen salystyrǵanda ımport tutynýshylyq azyq-túlikke jatpaıtyn taýarlar men óndiris quraldary ımporty ósýi esebinen $11,4 mlrd - qa deıin 11,5%-ǵa óskenin atadyq»,- deıdi spıker.
Shetel valıýtasyna suranystyń ósýi saýda-sattyq kólemi ulǵaıýynan baıqalady. Teńge-dollar jubymen saýda-sattyqtyń bırjalyq kólemi maýsymda 3,16 mlrd AQSh dollaryna deıin ósti, al 2021 jylǵy alǵashqy bes aıdyń qorytyndysy boıynsha saýda-sattyqtyń ortasha kólemi aıyna 2,45 mlrd AQSh dollaryn quraıdy.
«Shetel valıýtasyna suranystyń artýy sheteldik ınvestorlarǵa dıvıdendter tóleý sııaqty maýsymdyq faktorlarǵa da baılanysty. Ótken jyly daǵdarys aıasynda dıvıdendter tóleý óte shekteldi, osy jyly bul faktor mamyr jáne masymda valıýta naryǵyndaǵy suranys jaǵynan mańyzdy. Atalǵan faktorlardyń barlyǵy ulttyq valıýtanyń odan ári nyǵaıýyn shektedi»,-deıdi Ulttyq bank ókili.
Shetel valıýtasyna suranystyń artýyna qaramastan, naryqta eleýli teńgerimsizdikter bolǵan joq.
«Ulttyq bank ınterventsııa júrgizgen joq. Bıýdjetke transfertterdi júzege asyrý úshin Ulttyq qor qarajatyn konvertatsııalaý kólemi 1093 mln AQSh dollaryn, al kvazımemlekettik sektor tarapynan valıýtany satý – 260 mln AQSh dollaryn qurady»,- deıdi ol.
