Teńge ilý: II Azııa kýbogynyń jeńimpazdary anyqtaldy

ASTANA. KAZINFORM – Shymkenttegi ortalyq ıppodromda V Dúnıejúzilik kóshpendiler oıyndaryna daıyndyq aıasynda teńge ilýden II Azııa kýbogynyń ekinshi kúngi jeńimpazdar men júldegerleri anyqtaldy.

Ulttyq sport qaýymdastyǵy habarlaǵandaı, «bes beles» stıli jáne «qos qulash» saıysy boıynsha jeńimpazdar men juldegerler anyqtaldy. «Bes beles» stıli boıynsha 1-oryndy Ǵalymjan Іzjanov, 2-oryndy Rahat Qambarov, al úzdik úshinshi orynǵa Qanat Baqtybaı ıe boldy.

«Qos qulash» saıysy boıynsha bas júldeni Rahat Qambarov qanjyǵasyna baılasa, 2-oryndy Beknur Serikov, 3-oryndy Ádiljan Aıyp jeńip aldy. Birinshi oryn alǵan sportshylar 500 myń, ekinshi oryn alǵandar 300 myń, al úshinshi oryn alǵan sportshylar 200 myń teńgemen aqshalaı syılyq aldy. 

Atalǵan birinshilikke Qazaqstan, Qyrǵyzstan, Ózbekstan, Reseı, Qytaı, Mońǵolııa jáne Tájikstannan kelgen sportshylar teńge ilý saıysynyń 3 stıli boıynsha baq synady.

Esterińizge sala ketsek, alǵashqy jarys kúninde Túrkistan oblysynyń jigitteri jeńimpaz atanǵanyn jazǵan bolatynbyz.

Respýblıkalyq Teńge ilý federatsııasy Qazaqstan ulttyq sport túrleri qaýymdastyǵynyń quramyna kiredi.