Teńge depozıtiniń 10% ótemaqysyn kimder alýǵa quqyly

NUR-SULTAN.QazAqparat - Ulttyq banktiń resmı saıtynda teńgedegi salymdardy qorǵaý baǵdarlamasyna qatysty qazaqstandyq salymshylardyń suraqtaryna jaýap jarııalandy, dep habarlaıdy QazAqparat tilshisi.

Sonymen, teńge depozıti boıynsha 10% ótemaqy alýǵa kimder quqyly?

«Salym somasynyń 10% kóleminde ótemaqy alýǵa qazaqstandyq banktiń ár salymshysy, ıaǵnı jeke tulǵalardyń da, sol sııaqty jeke kásipkerlerdiń de quqyǵy bar.

Ótemaqy 2022 jyldyń 23 aqpanynan keshiktirilmeı ashylǵan jáne osy merzimge qaldyq somasy bolǵan teńgelik salymdar boıynsha tólenedi.

2022 jyldyń 23 aqpanynan bastap kelesi 12 aıda, ıaǵnı 2023 jyldyń 24 aqpanyna deıin depozıtti bankte saqtaý – ótemaqy tóleý úshin mindetti talap», - dep jazylǵanUlttyq bank jaýabynda.