Teńge baǵamynyń turaqtylyǵy saqtalyp otyr-G. Marchenko
ASTANA. 20 qyrkúıek. KazAqparat - Álemdik ekonomıkadaǵy turaqsyzdyqqa qaramastan, teńge baǵamy turaqty. Bul týraly búgin «Nur Otan» HDP-nyń parlamenttik fraktsııasynyń otyrysynda QR Ulttyq bankiniń basshysy Grıgorıı Marchenko málim etti.
«Álemdik ekonomıkadaǵy ahýalǵa qaramastan qazirgi kezde teńgeniń aıyrbastaý baǵamy turaqty kúıinde qalýda. Bizde ulttyq valıýtanyń turaqtylyǵyn budan ary qaraı da qoldaýǵa múmkindik beretin áleýet jeterlik»,-dedi ol.
G. Marchenkonyń sózine qaraǵanda, bıyl valıýta naryǵyndaǵy jaǵdaı turaqty. Teńgeniń baǵamy 1 AQSh dollaryna 145,2-147,5 teńge aralyǵynda boldy.
