Teńge baǵamynyń ózgerýi dızel otynynyń óndirisine yqpal etpeıdi - KAZENERGY

ASTANA. QazAqparat - Teńge baǵamynyń ózgerýi dızel otynynyń ishki óndirisine yqpal etken joq. Bul týraly brıfıngte «KAZENERGY» qaýymdastyǵynyń atqarýshy dıektory Rústem Qabjanov málim etti, dep habarlaıdy QazAqparat.

«Іshki óndiriske yqpal etýge tıisti emes. Eger de biz ımporttyq ónimge toqtalsaq, bul óz kezeginde basqa másele. Qazaqstan búginde dızel otynyna qajettiligin 90 paıyzǵa jaýyp otyr», - dedi R. Qabjanov.

Onyń sózine qaraǵanda, egistik jumystarynan keıin baǵa ózgeriske ushyraýy yqtımal.

«Barlyǵy Qazaqstan ekonomıkasyna jáne álem ekonomıkasyna baılanysty bolady. Eger de ekonomıkada teris úrdister baıqalmasa, onda baǵa ózgerýi múmkin», - dedi Rústem Qabjanov.

Budan buryn habarlanǵandaı, «KAZENERGY» qaýymdastyǵynyń atqarýshy dırektory Qazaqstanda dızel otyny ne sebepti qymbattaǵanyn túsindirdi. 

Otynnyń qymbattaýy zaýyttarda protsessıng mólsherlemesiniń artýy esebinen boldy. Bul turǵyda janarmaı óndirý boıynsha zaýyttardyń shyǵyndary joǵarylady. Munaı óńdeý zaýyttaryndaǵy jańǵyrtý jumystarynan keıin, protsessıng mólsherlemesi 15 paıyzǵa artty.

Sonymen qatar dızel otyny baǵasynyń ósýine engizilgen aktsız de yqpal etti. Aıta keteıik, 1 maýsym men 1 qarasha aralyǵynda Qazaqstanda dızel otynynyń óndirisine kóterińki aktsız engizilgen.