Teńge baǵamynyń aýytqýyna qaramastan elordada benzın baǵasy óspeıdi
ASTANA. QazAqparat - Teńge baǵamynyń aýytqýyna qaramastan elordada benzın baǵasy óspeıdi. Bul týraly búgin Ortalyq kommýnıkatsııalar qyzmetindegi baspasóz máslıhatynda Astana ákiminiń orynbasary Andreı Lýkın málim etti.
Onyń sózine qaraǵanda, qaladaǵy barlyq janarmaı quıý stansalarynda janar-jaǵarmaı materıaldarynyń bólshek quny bekitilgen shekte ustalyp tur. Osy oraıda baǵanyń artýy anyqtalmady.
QR Energetıka mınıstriniń buıyryǵan sáıkes, bıylǵy mamyrda janarmaıdyń bólsheý saýdasyna shekti baǵa bekitilgenin eske salyp ótken ol, Aı-80 benzınine 89 teńge, Aı-92, 93 - 108 teńge jáne dızeldik otynǵa 99 teńge deńgeıinde shekti baǵa aıqyndalǵanyn atap ótti.
«Bul turǵyda janar-jaǵarmaıǵa teńge baǵamynyń aýytqýyna qaramastan, qalada baǵa turaqty bolady», - dedi ákim orynbasary.
