Teńge baǵamyndaǵy ózgeristerge qaramastan halyq óz qarjysyn bankterge salady - «Damý» kásipkerlikti damytý qory» AQ
ASTANA. QazAqparat - Teńge baǵamynyń ózgerýinen keıingi dúrlikpe men ekinshi deńgeıli bankterge senimsizdiktiń keıbir belgilerine qaramastan adamdar báribir ózderiniń qarjylaryn bireýine bolmasa, ekinshi bankke salatyn bolady. Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi baspasóz máslıhatynda «Damý» kásipkerlikti damytý qory» AQ basqarma tóraǵasynyń orynbasary Qanat Sultanǵazıev málim etti.
«Sońǵy kezde halyq dúrlikkenimen, báribir adamdar ózderiniń qarjysyn úılerinde saqtaı almaıdy. Halyq ózderiniń jınaǵyn bir bankte bolmasa, ekinshi bankke salatyn bolady», - dedi ol.
Onyń paıymdaýynsha, bankter shaǵyn jáne orta bıznesti qarjylandyrý saıasatyn jalǵastyrady. Sondyqtan da bul banktik qyzmette negizgi tabys kózi, ıaǵnı nesıeler arqyly jumystaryn jalǵastyrady.
«Teńge baǵamynyń ózgerýi negizinen ımportpen aınalysatyn nemese taýardyń ózindik quny qurylymynda ımporttyq quramdaýysh kóp kompanııalarǵa áser etti. Alaıda bizde bıznestiń basqa da túrleri bar. Elimizde óńdeýshi ónerkásip, qyzmet kórsetý salasy bar jáne báribir naryqta, sondaı-aq osy taýarlarǵa qajettilik bar jáne bul aınalym jalǵasatyn bolady», - dedi Q.Sultanǵazıev.
