Teńge baǵamyn ustap turýdyń arty nege soǵatyn edi – Ulttyq bank
ALMATY. QazAqparat – QR Ulttyq banki tóraǵasynyń orynbasary Álııa Moldabekova ulttyq valıýtanyń baǵamyna yqpal etetin syrtqy faktorlar týraly aıtty, dep habarlaıdy QazAqparat tilshisi.
«Munaı naryǵy qulady. Onyń artynan qarjy naryǵy da qulady. Munyń barlyǵyna koronavırýs juqpasy áser etti. Sońǵy 30 jylda OPEK+ kiretin elderdiń arasynda qara altyndy óndirý týraly ózara kelisimniń bolmaýy da yqpalyn tıgizdi. Munaı baǵasynyń birden túsýi ulttyq valıýtanyń álsireýine ákeldi. Syrtqy syn-qaterlerge jaýap retinde Ulttyq bank 10 naýryzda bazalyq stavkany 12 paıyzǵa deıin túsirgen bolatyn. Búgin Ulttyq bank bazalyq stavkany 12 paıyz dárejesinde ustap, teńgeni jańa makroekonomıkalyq ahýalǵa beıimdeıtindigin málimdedi», - dedi Á.Moldabekova.
Laýazymdy tulǵa Ulttyq banktiń valıýtalyq naryqqa nege qatyspaıtyndyǵyn, budan ári ınterventsııa jasamaıtyn sebebin túsindirdi.
«Ótken aptada syrtqy naryqtaǵy ahýaldy muqııat baqyladyq. Teris tendentsııalar qanshalyqty turaqty bolatynyn baqyladyq. Naryqtyń quldyraý protsesi toqtar emes», - dedi ol.
Búginde munaı barreliniń baǵasy 31 dollarǵa jetken.
Koronavırýs pandemııasy, Qazaqstandaǵy tótenshe jaǵdaı rejimi, OPEK+ elderi arasyndaǵy ýaǵdalastyqtyń joqtyǵy, damýshy jáne munaı eksporttaýshy elder valıýtasynyń quldyraýy jaǵdaıdy tek nasharlata tústi.
«Memleket basshysy aıtqandaı, másele búkil álemniń ekonomıkasynyń qaıta formattalýynda bolyp otyr. Bul tek syrtqy ahýal ǵana emes, ishki fýndamentaldy faktorlardyń nasharlaýy bolsa kerek. Bul jańa ekonomıkalyq ahýalǵa Qazaqstan beıimdelýi kerek. Ótken aptada júrgizgen ınterventsııa barysynda eń aldymen makroekonomıkalyq turaqtylyq jaıly oıladyq. Negizsiz alypsatarlyqtyń aldyn alýǵa tyrystyq», - dedi Álııa Moldabekova.
