Teńge baǵamy qazan aıynda qandaı bolady
«Qazaqstan ekonomıkasy turaqty damyp keledi. Ósim qarqyny jylyna shamamen 4 paıyzdy quraıdy. Qazaqstan ekonomıkasynyń negizgi ósimi munaı óndirýdiń mol kólemi men shıkizattyń álemdik baǵasynyń joǵary bolýy esebinen qamtamasyz etilip otyr. Munaı baǵasynyń óse túsýi munaıdy eksporttaýshy elder jáne olardyń valıýtasy úshin turaqty damýdaǵy basty faktor sanalady. Qazirgi ýaqytta konıýnktýra óte qolaıly, al Qazaqstan Respýblıkasynyń ekonomıkasy kináratsyz kórinedi, perspektıvasy da barynsha oń. Degenmen, táýekelderdi tómendetý jáne ósim qarqynynda sátsizdikter bolmaýy úshin ekonomıkanyń shıkizat emes sektoryn damytý qajet», - dedi sarapshy.
Aleksandr Razývaevtyń boljaýynsha, qazan aıynda Brent markaly munaıdyń barreli 80 dollar bolǵan jaǵdaıda Qazaqstannyń ulttyq valıýtasy odan ary nyǵa túsedi dep kútiledi. Dollar baǵamy 350-370 teńge tóńireginde, al eýropalyq valıýta kúzdiń ortasynda 410-425 teńge sheginde saýdalanatyn bolady. Qarqyndy damyp kele jatqan elderdiń valıýtasyna AQSh Federaldy rezervtik júıesiniń paıyzdyq stavkasynyń ósý faktisi qysym kórsete beredi. 26 qyrkúıekte stavka 25 bazıstik tarmaqqa artqan edi jáne qazirgi ýaqytta 2,00-3,25 paıyzdy quraıdy.
«2018 jyldyń qorytyndysynda Qazaqstandaǵy óndiris deńgeıiniń ósimi 4,5 paıyzdy quraıdy dep esepteımiz. El ekonomıkasy úshin bul barynsha laıyqty kórsetkish. Kóptegen damyǵan elder munan da tómen málimetter kórsetedi. Saýda, qyzmet kórsetý jáne ózge de shıkizattyń emes sektor salalarynyń ósim kórsetkishi bar. Qazirgi ýaqytta olar tolyqtaı ınvestıtsııalanyp otyrǵan joq jáne laıyqty qaıtarym bermeýde», - dedi sarapshy.
Sonymen qatar, ol AQSh pen Qytaı arasynda týyndaǵan saýda teketiresi Qazaqstan ekonomıkasynyń ósimi úshin jańa múmkindikter ashatyndyǵyn basa aıtty.