Teńge baǵamy edáýir kóterildi

ASTANA. QazAqparat - Teńgeniń 1 AQSh dollaryna qatysty ortasha baǵamy Qazaqstan qor bırjasyndaǵy (KASE) seısenbi kúngi saýda-sattyqtyń tańǵy sessııasynda 328,05 teńgeni qurady, dep habarlaıdy «QazAqparat» HAA KASE-ge silteme jasap.

Dúısenbi kúngi saýda-sattyq málimetterine qaraǵanda,  dollar baǵamy 1,68 teńgege quldyraǵan. Sessııa barysynda eń tómengi baǵam 1 dollarǵa 327,55 teńge deńgeıinde bolsa, eń joǵary kýrs 329,1 teńgeni kórsetken. Saýda kólemi 212,6 mln dollardy quraǵan.

Dúısenbi kúni dollardyń kýrsy tańǵy sessııa qorytyndylary boıynsha 1 dollarǵa 329,73 teńge, kúndizgi sessııada 329,63 teńge, eki sessııanyń qorytyndylary boıynsha 329,67 teńge bolǵan. Saýda kólemi 276 mln dollardy quraǵan.