Teńge baǵamy álemdik naryq pen geosaıası jaǵdaılarǵa baılanysty bolady – Ulttyq bank

ASTANA. QazAqparat – Qańtar aıynda teńgeniń dollarǵa qatysty baǵamy 460,52 teńgege deıin 0,5%-ǵa nyǵaıdy. Bul týraly QR Ulttyq banki tóraǵasynyń orynbasary Berik Sholpanqulov aıtty, dep habarlaıdy QazAqparat tilshisi.

Bul rette Ulttyq Bank valıýtalyq ınterventsııalar júrgizbegen.

«Bıylǵy qańtar aıynda kvazımemlekettik sektor sýbektileriniń 453 mln dollarǵa valıýtalyq túsimdi satýy jáne Ulttyq qordan respýblıkalyq bıýdjetke 228 mln dollar transfertti qamtamasyz etý úshin valıýta satýy teńgege aıtarlyqtaı qoldaý kórsetti», - dedi B. Sholpanqulov Úkimettiń búgingi otyrysynda.

Spıkerdiń aıtýynsha, qysqa merzimdi perspektıvada teńge dınamıkasy geosaıası jaǵdaıdyń ózgerýine, ishki qatysýshylardyń kútýlerine jáne álemdik naryqtardaǵy jaǵdaıǵa baılanysty bolady.

«Ulttyq Bank dısbalanstardyń jınaqtalýyn boldyrmaıtyn jáne altyn-valıýta rezervteriniń saqtalýyn qamtamasyz etetin ıkemdi baǵam belgileý rejımin ustanady», - dedi Ulttyq bank ókili.

Aıta keteıik, Qazaqstanda iskerlik belsendilik jaqsara bastady.