Teńge baǵamynda alypsatarlyq jasaıtyndardy anyqtaý mańyzdy – qarjyger

ASTANA. KAZINFORM – Ulttyq bank aǵymdaǵy spekýlıatıvti kóńil-kúı saqtalǵan jaǵdaıda ádil baǵam qalyptastyrýdy qalpyna keltirý jáne ulttyq valıýta baǵamynyń kúrt ózgerýine jol bermeý úshin valıýtalyq ınterventsııa júrgizýge daıyn ekendigin málimdedi. Osy oraıda tanymal qarjyger Rasýl Rysmambetov atalǵan málimdemege pikir bildirip, Ulttyq banktiń valıýtalyq alypsatarlyqpen kúreske qajetti barlyq quraly jáne úlken tájirıbesi bar ekendigin atap ótti.

«Menińshe, ınterventsııa durys júrgizilgen jaǵdaıda ol tıimdi bola alady. Óıtkeni, Ulttyq banktiń kez kelgen bankke qaraǵanda úlken rezervi bar. Ol kez-kelgen alypsatardy jaqsylap turyp jazalaı alady", - dep atap ótti sarapshy.

Alaıda, onyń aıtýynsha, naryqqa qatysýshylardyń qaısysy teńge baǵamynda alypsatarlyq jasaıtynyn anyqtaý mańyzdy.

«Ulttyq bankte dál sol alypsatarlardy qalaı tynyshtandyratyndaı tolyq qural men úlken ınterventsııa tájirıbesi bar. Degenmen, alypsatardyń kim ekenin túsiný kerek. Bilgim keledi. Ózim de ekinshi deńgeıli bankte jumys istegen kezimde Ulttyq bankti valıýtada satyp alatyn nemese satatyn naryqtaǵy eń iri oıynshylardy jarııa etýge shaqyrǵan bolatynbyz», - deıdi Rasýl Rysmambetov.

Buǵan deıin Ulttyq bank tóraǵasynyń orynbasary Álııa Moldabekova valıýta naryǵyndaǵy sońǵy jaǵdaılarǵa túsinikteme bergen edi.