Teńge baǵamy: Ulttyq bank qandaı jaǵdaıda ınterventsııa jasaıdy

ASTANA. KAZINFORM – Ulttyq bank tóraǵasynyń orynbasary Erulan Jamaýbaev Májilistiń jalpy otyrysynyń aldynda teńge baǵamyna qatysty pikir bildirdi.

- Keshe Ulttyq bank teńge baǵamynyń qazirgi jaǵdaıyna baılanysty ınterventsııa jasamaıtynyn habarlady. Jalpy qandaı stsenarııde ınterventsııa jasaısyzdar? - dep surady jýrnalıst.

Ulttyq bank basshysynyń orynbasary ondaı stsenarıı josparda joq ekenin aıtady.

- Ulttyq bank dál qazirgi stsenarııde ınterventsııa jasap jatqan joq. Onyń qajettiligi de joq. Óıtkeni ózderińiz de bilesizder, birinshiden, barlyq kvazımemlekettik kásiporyndar ózderiniń valıýtamen alynǵan túsimderin mindetti túrde bırjada satý kerek. ıAǵnı, dollardyń usynysy bar. Ekinshiden, Ulttyq qordyń arnaıy mindetti transfertteri bar – kepildendirilgen jáne maqsatty transfertter bar. Sol boıynsha grafıkpen durys sata bilsek, usynys suranysty tolyǵymen qanaǵattandyra alady. ıAǵnı, dál qazir baıbalam salatyn nárse joq, - dedi Erulan Jamaýbaev.

Aıta keteıik, QR Ulttyq ekonomıka vıtse-mınıstri Arman Qasenov teńge baǵamyna áser etetin jaǵdaılardy atady.