Teńge AQSh-tyń baj salyǵyna qalaı áreket etti
ALMATY. KAZINFORM – Qazaqstan qor bırjasyndaǵy (KASE) saýda-sattyq qorytyndysy boıynsha, 1 dollardyń teńgege shaqqandaǵy baǵamy tómendedi.

KASE qor naryǵyndaǵy kúndizgi saýda qorytyndysy boıynsha, dollar baǵamy 1,49 teńgege arzandady.
Bir AQSh dollarynyń ortasha baǵamy – 501,57 teńge.
Kurs.kz málimetinshe, qazirgi ýaqytta Almatynyń aqsha aıyrbastaý pýnktterinde dollar 503 teńgeden satylyp jatyr, satyp alý baǵamy — 501 teńge. Eýro 547 — 552 teńge aralyǵynda qubylyp tur.
Al, Astana qalasy boıynsha dollardy satý baǵamy — 505 teńge, satyp alý quny — 499 teńge. Eýro 547 teńgeden satyp alynyp, 554 teńgeden satylyp jatyr.
Dál qazirgi ýaqytta aqsha aıyrbastaý oryndarynda Reseı valıýtasy 5,84 - 6,00 aralyǵynda saýdalanyp jatyr.
Ulttyq banktiń 3 sáýirge usynǵan resmı baǵamy — bir dollarǵa 503,05 teńge. Reseı rýbliniń ortasha saralanǵan quny — 5,98 teńge. Eýro — 542,99.
Osyǵan deıin Ulttyq bank valıýta aıyrbastaýdyń jańa erejesin bekitetinin málimdedi.
Sondaı-aq Ulttyq banktiń bazalyq mólsherlemeni kótergeni týraly jazǵan edik.
Qazaqstandyq ekonomıster teńgeniń nyǵaıýyna múmkindik bar ekenin aıtty.
Búgin Saýda mınıstrligi Tramptyń jańa baj salyǵyna qatysty málimdeme jasady.