Teńge 2015 jylǵy jeltoqsandaǵy kórsetkishine jetti
ASTANA. QazAqparat - Qazaqstannyń ulttyq valıýtasy 2015 jyldyń jeltoqsanynda bolǵan kórsetkishti qaıtalady, dep habarlaıdy QazAqparat «Alparı» kompanııasynyń bas sarapshysy Anna Bodrovaǵa silteme jasap.
«Qazaqstandyq valıýta ózin jaıly sezinedi. 3 aqpanda aıaqtalǵan ótken aptanyń qorytyndysy boıynsha, teńgeniń dollarǵa shaqqandaǵy baǵamy 323,85 teńgeni kórsetti. Bes kúnde 0,74%-ǵa nyǵaıdy, al qańtar aıynda 2,97%-ǵa qymbattaǵan. Dúısenbi, 6 aqpan kúngi dollardyń ortasha baǵamy 321,59 teńgeni qurap otyr. Osylaısha, qazaqstandyq valıýta 2015 jylǵy jeltoqsan aıyndaǵy burynǵy deńgeıine qaıta oraldy», - dep atap ótti A. Bodrova tilshimizge bergen suhbatynda.
Onyń sózinshe, bul óte keremet kórsetkish, biraq ol qazaqstandyqtardyń kúndelikti ómirine esh áser ete almaıdy. Myqty valıýta saýda men satyp alýlarǵa áser etýi úshin, halyqtyń kirisi sáıkesinshe joǵary bolýy tıis. Degenmen jalaqynyń ósýi jáne ınflıatsııa qarqyny teńgeniń nyǵaıǵanyn jaýyp ketip jatyr.
«Teńgeniń eń negizgi tireýi - munaı. Dúısenbi, 6 aqpan kúngi Brent markaly munaı quny barreline $56,95 (+0,2%) qurady. Munaı quny $54-57 aralyǵynda myqtap bekigen. Aldaǵy aptaǵa valıýta baǵamyna qatysty boljamdar turaqty. AQSh dollary 320-323 teńge aralyǵynda, eýro 346-349 teńge aralyǵynda saýdalanady», - dep boljaıdy sarapshy.
