Tender ótkizý barysynda para talap etý zańdy kásipkerlik qyzmetke kedergi jasaýdyń negizgi joly bolyp otyr

Bul týraly búgin elordada QR Ekonomıkalyq qylmysqa jáne sybaılas jemqorlyqqa qarsy kúres agenttiginiń resmı ókili Murat Jumanbaı málim etti.

Onyń atap ótýinshe, Astana qalasynda QR Tótenshe jaǵdaılar mınıstrliginiń Memlekettik materıaldyq rezervter komıteti «Rezerv» respýblıkalyq memlekettik kásipornynyń dırektory Baıjumanov qamaýda sot úkimin kútýde. Oǵan kásipkerden atqarylǵan jumystardy qabyldaý aktisine qol qoıý úshin 500 myń teńge para talap etti degen aıyp taǵylyp otyr.

Sonymen qatar Aqtóbe oblysy Muǵaljar aýdanynyń Embi qalasynyń ákimi Jubanyshevke qatysty qylmystyq isti tergeý jalǵasýda. «Ol deldal, ıaǵnı ákim apparatynyń bas mamany arqyly jeke kásipkerden qańǵybas ıtterdi atý boıynsha atqarylǵan jumystardyń aktisine qol qoıý jáne aldaǵy tenderlerde jeńýge kómektesý úshin 76 myń teńge para aldy dep aıyptalýda», - dedi M.Jumanbaı.