Temirjoldardy sý basý qaýpi joq – Kólik mınıstri

ASTANA. KAZINFORM – Kólik mınıstri Marat Qarabaev Úkimet otyrysynda tasqyn bolyp jatqan óńirlerdegi temirjoldardyń jaǵdaıy týraly baıandady.

«Temirjolda ulttyq operator (Qazaqstan Temir jol» ulttyq kompanııasy – red) tasqynǵa qarsy 45 poıyz jasaqtady. Aqtóbe jáne Qaraǵandy oblystarynda qaýipti ýchaskeler men kópirlerde qozǵalys jyldamdyǵyna saǵatyna 25 shaqyrymdyq shekteý engizildi. Qazirgi ýaqytta temirjoldarda jaǵdaı turaqty, sý basý jáne buzylý qaýpi joq», - dedi ol.

Mınıstrdiń sózinshe, temir joldardan joǵary ornalasqan 83 sý qoımasy men bógettiń jaǵdaıy tekserilgen. Tekserý qorytyndysy boıynsha, 3 556 kópir, 6 356 qubyr, 2 024 shaqyrymdyq kıývet pen 550 shaqyrymdyq aryq tazartylǵan.