Temirjol vokzaldaryn jańǵyrtý jumystary qalaı júrip jatyr
ASTANA. KAZINFORM – Bul máslele Qazaqstan Respýblıkasy Kólik vıtse-mınıstri Jánibek Taıjanovtyń tóraǵalyǵymen temirjol vokzaldaryn jańǵyrtý jáne rekonstrýktsııalaý máseleleri boıynsha keńeste talqylandy.
QR Kólik mınıstrligi baspasóz qyzmetiniń habarlaýynsha, keńes barysynda óńirlerdiń jobalardy iske asyrý barysy jónindegi baıandamalary tyńdaldy.
Qatysýshylar qurylys-montaj jumystarynyń aıaqtalýy, nysandardy ýaqytyly paıdalanýǵa berý jáne jobalardy qarjylandyrý máselelerin talqylady. Sondaı-aq jobalardy belgilengen merzimde ári sapaly júzege asyrýǵa erekshe nazar aýdaryldy.
Keńes qorytyndysy boıynsha jumystardy ýaqtyly aıaqtap, nysandardy paıdalanýǵa berýdi qamtamasyz etýge baǵyttalǵan tıisti tapsyrmalar berildi. Qazaqstan Respýblıkasy Kólik mınıstrligi temirjol ınfraqurylymyn jańǵyrtý baǵytyndaǵy jumysty júıeli túrde júrgizip keledi. Barlyq jobalardyń iske asyrylýy mınıstrliktiń turaqty baqylaýynda.
Jıynǵa «QTJ» UK» AQ, oblys ákimdikteriniń, sondaı-aq Astana jáne Almaty qalalary ákimdikteriniń ókilderi qatysty.
Osyǵan deıin vokzaldardy jańǵyrtýdaǵy ákimshilik kedergilerdi joıatyn shtab qurylǵany týraly jazdyq.
