Temirjol salasynda uzyndyǵy 1,3 myń shaqyrymnan astam 4 joba júzege asyrylyp jatyr

ASTANA. KAZINFORM — Qazaqstanda eldiń kólik-logıstıka áleýetin damytýǵa arnalǵan iri ınfraqurylymdyq jobalar júzege asyrylyp jatyr.  

Búginde osy bastamalardy júzege asyrý jumystary qarqyndy túrde júrgizilip jatyr. Temirjol salasynda uzyndyǵy 1,3 myń shaqyrymnan astam 4 joba júzege asyrylyp jatyr: «Dostyq – Moıynty», Almaty aınalma joly, «Darbaza – Maqtaaral» jáne «Baqty – Aıagóz». 

Bıyl Almaty aınalma joly men «Dostyq – Moıynty» ýchaskesiniń ekinshi joldary aıaqtalady, bul júk tasymaly kólemin bes esege arttyrýǵa múmkindik beredi.

«Trans-Qazaqstan temirjol dálizi» aýqymdy jobasy iske qosyldy: «Moıynty – Qyzyljar» ýchaskesin (366 shaqyrym) salý jáne 1,6 myń shaqyrym joldy jańǵyrtý jumystary júrgizilýde. Aldaǵy 5 jylda 16 myń shaqyrym jol salý jáne jóndeý josparlanǵan.

— Sondaı-aq 125 vokzal jańǵyrtylýda. Ǵımarattardyń qasbetterdi, ınjenerlik jelileri, zaldardy, platformalary jańartylýda, mobıldiligi tómen azamattar úshin qaýipsizdik júıeleri men yńǵaıly jaǵdaılar jasalýda. Bıyl jolaýshylar vagondarynyń parki 175 birlikke tolyqtyrylady, onyń ishinde Stadler kompanııasynyń 51 vagony bar,— dep atap ótti Maqsat Qalıaqparov.