Temirjol kompanııasy zań buzǵany úshin 23 mln aıyppul tóledi
ASTANA. KAZINFORM – QR Básekelestikti qorǵaý jáne damytý agenttiginiń Atyraý oblysy boıynsha departamenti Atyraý kólik prokýratýrasymen birlesip «Batys Trans Group» JShS tekseris júrgizdi. Bul týraly QR Básekelestikti qorǵaý jáne damytý agenttigi jazdy.
Tekseristiń aıasynda «Batys Trans Group» JShS-niń áreketterinde monopolııalyq joǵary baǵalardy belgileýde, ustap turý jáne máni birdeı kelisimderge ártúrli baǵalardy men sharttardy qoldaný, ıaǵnı monopolııalyq jaǵdaıdy teris paıdalaný arqyly básekelestikti qorǵaý salasyndaǵy zańnamasyn buzý faktisi anyqtaldy.
Prokýratýra usynysy negizinde Departament «Batys Trans Group» JShS-ne qatysty Qazaqstan Respýblıkasy «Ákimshilik quqyq buzýshylyq týraly» Kodeksiniń 159-babynyń 3-bóligi jáne 3-1-bóligi boıynsha ákimshilik quqyq buzýshylyq týraly is qozǵady.
Іsti qaraý qorytyndysy boıynsha Atyraý qalasynyń ákimshilik quqyq buzýshylyqtar jónindegi mamandandyrylǵan sotynyń qaýlysymen «Batys Trans Group» JShS-ne ákimshilik quqyq buzýshylyq jasaǵany úshin 52 mln. teńgeden astam somadaǵy monopolıstik qyzmetti júzege asyrý nátıjesinde alynǵan monopolısttik kirisin tárkileýmen 23 mln. teńgeden astam somada ákimshilik aıyppul sala otyryp ákimshilik jaýapkershilikke tartylyp, búgingi kúni memleket paıdasyna tolyq kólemde óndirildi.
