Temirjol: Qazaqstan memleketaralyq jelini qalaı damytyp jatyr

ASTANA. KAZINFORM — Kólik mınıstri Nurlan Saýranbaev málim etti temirjol salasynda memleketaralyq jelini damytýǵa qatysty túsinik berdi.

— Sońǵy jyldary Reseı men Ózbekstan arasyndaǵy ótkizý qabilettiligin arttyrý tolyǵymen sheshildi. Mysaly, Saryaǵash pýnktinde 24 poıyzdan 35 poıyzǵa deıin kóterildi. Shildeden bastap Qytaı baǵyty boıynsha «Dostyq — Moıynty» jelisinde qosymsha poıyzdar baǵyty bastaldy. Osylaısha, temirjol halyqaralyq pýnktteriniń máselesi sheshilgen. Qazaqstan Temir Joly otandyq bıznestiń eksport-ımport suranysyn tolyǵymen oryndaýǵa mindetti. Bolashaqta ótkizý qabiletin 296 mln tonnaǵa jetkizip, osy kórsetkishti 76 paıyzǵa arttyramyz, — dedi N. Saýranbaev Úkimet otyrysynda.

Budan bólek ol lokomotıvter máselesine toqtaldy. Qazir lokomotıvter parkin 1 myń 967-ge jetti. Jańartý baǵdarlamasyna sáıkes, 2029 jylǵa deıin jalpy 456 lokomotıv satyp alý josparlanǵan. Lokomotıvterdi jetkizýshiler — qazaqstandyq «Elektrovoz qurastyrý zaýyty», «Lokomotıv qurastyrý zaýyty» jáne Qytaıdyń CRRC kompanııasy.

— AQSh-tyń Wabtec kompanııasynyń analızi boıynsha, Qazaqstanda qazir júrgen lokomotıvter — zamanaýı jáne tıimdi, olar bolashaq tasymal talaptaryna tolyq sáıkes keledi, — dedi mınıstr.

Buǵan deıin jańa temirjol jelileriniń qurylysyna 12,8 myńnan astam adam tartylǵanyn jazǵan edik.