Temirjol ınfraqurylymyn damytýǵa 10 mlrd dollar ınvestıtsııa salynady - QTJ
ASTANA. KAZINFORM – 2030 jylǵa deıin temirjol ınfraqurylymyn damytýǵa 10 mlrd dollardan astam ınvestıtsııa salynady. Bul týraly Temirjoldar yntymaqtastyǵy uıymy konferentsııasynyń 40-otyrysynda «Qazaqstan temir joly» UK» AQ Basqarma tóraǵasy Talǵat Aldybergenov aıtty.
- Memleket basshysynyń tapsyrmasymen jáne Qazaqstan Úkimetiniń qoldaýymen 2030 jylǵa deıin temirjol salasynyń ınfraqurylymyn damytýǵa10 mlrd AQSh dollarynan astam ınvestıtsııa salynady. Búginde biz 1 800 shaqyrym jańa temirjol jelisin salyp, 3 000 shaqyrym joldy jańǵyrtýdamyz. Bul – jańa joldar salýmen para-par, - dedi QTJ basshysy.
Onyń málimetinshe, ótken jyly Dostyq-Moıynty ýchaskesinde ekinshi jol merziminen buryn paıdalanýǵa berildi. Bul atalǵan ýchaskeniń ótkizý qabiletin táýligine 12-den 60 jup poıyzǵa deıin arttyrýǵa múmkindik beredi.
- Osy jyldyń sońyna deıin taǵy 500 shaqyrym temirjol qurylysy aıaqtalady. Onyń ishinde Ortalyq Azııa baǵytyna tranzıttik aǵyndy arttyrýǵa arnalǵan Darbaza-Maqtaaral jobasy bar. Sondaı-aq Trancqazaqstandyq temirjol dálizin qalyptastyratyn Moıynty-Qyzyljar jobasyn erekshe atap ótkim keledi. 2027 jyly Qytaımen jańa shekaralyq ótkel jáne Aıagóz-Baqty temirjol ýchaskesi ashylǵannan keıin 2035 jylǵa qaraı Qytaımen júkti qaıta tıeý qýaty 100 mln tonnaǵa deıin ulǵaıtylady, -dedi Talǵat Aldabergenov.
Aıta keteıik, elimiz 2023 jylǵa qaraı tranzt kólemin jylyna 100 mln tonna jetkizýdi josparlap otyr.
