Temirjol arqyly tranzıttik tasymal kólemin jylyna 55 mln tonnaǵa jetkizý josparlanyp otyr – Premer-mınıstr
ASTANA.KAZINFORM – QR Premer-mınıstri Oljas Bektenov Úkimet otyrysynda Kólik mınıstrligine salany damytý boıynsha birqatar tapsyrma berdi.
– Kólik salasynda temirjol arqyly tranzıttik tasymal kólemin jylyna 55 mln tonnaǵa deıin ulǵaıtýǵa tikeleı yqpal etetin birqatar joba iske asyrylyp jatyr. Kólik mınıstrligi «Qazaqstan temir joly» kompanııasymen birlesip, osy jyldyń sońyna deıin negizgi temirjol jelileriniń qurylysyn, ıaǵnı Darbaza – Maqtaaral jáne Moıynty-Qyzyljar, sondaı-aq vokzaldardy jańǵyrtý jumystaryn aıaqtasyn, – dedi ol.
Sonymen birge, Úkimet basshysynyń sózinshe, avtomobıl joldaryn salý jáne kúrdeli jóndeý jumystary aıasynda olardyń normatıvtik talaptarǵa sáıkes kelýin qamtamasyz etý qajet jáne mýltımodaldy tranzıt kólemin arttyrý úshin kólik salasyn tsıfrlyq transformatsııalaý kerek.
– Kólik mınıstrligi Jasandy ıntellekt mınıstrligimen birlesip, zamanaýı tsıfrlyq quraldardy engizýdi, sodan keıin olardy Smart Data Transport biryńǵaı derekter kóline biriktirýdi qamtamasyz etsin. Bul salanyń ashyqtyǵyn arttyrýǵa jáne jasandy ıntellekt negizindegi sheshimderdi belsendi túrde engizýge múmkindik beredi, – dedi ol.
Aıta keteıik, buǵan deıin elimizde 754 shaqyrym temirjol salynyp jatqanyn jazǵanbyz.
