Temirtaýdan Astanaǵa qaraı qozǵalys qaıta jandandy
QARAǴANDY. KAZINFORM – Ekinshi táýlik qatarynan Temirtaý mańyndaǵy termınaldyń mańynda burqasyn men kóktaıǵaqqa baılanysty avtokólikter kepteliste tur. Saǵat 11:00-de jol polıtsııasynyń patrýldik kólikteri jınalyp qalǵan avtokólikterdi Astana baǵytynda ilespemen alyp júre bastady, dep habarlaıdy Kazinform agenttiginiń tilshisi.
Polıtseılerdiń aıtýynsha, burqasynnan keıbir jerlerde jol múldem kórinbeıdi, al kóktaıǵaq saldarynan jeńil avtomobılder men aýyr júk kólikter qozǵala almaı qalǵan.
Qazirgi ýaqytta termınalda 200-ge jýyq adamy bar 150-ge tarta kólik jınalǵan. Buǵan deıin polıtsııa qyzmetkerleri júrgizýshiler men jolaýshylardyń bir bóligin oblys ortalyǵyna qaıta oralýǵa kóndirgen bolatyn.
— Qurmetti júrgizýshiler! Eki kúnnen beri sizder aýa raıynyń qolaısyzdyǵyna baılanysty jabyq trassada tursyzdar. Men sizderdiń úılerińizge oralýǵa degen umtylystaryńyzdy túsinemin, biraq aýa raıyna biz yqpal ete almaısyz. Shydamdylyq pen túsinistik tanytqandaryńyz úshin rahmet. Sizderdiń qaýipsizdikterińiz úshin biz kolonnany Aqmola oblysynyń shekarasyna deıin ilesip alyp barýdy uıymdastyramyz. Jol qozǵalysy erejelerin saqtaýdy jáne jyldamdyqty asyrmaýdy ótinemin. Joldaryńyz bolsyn, — dedi Qaraǵandy oblysy polıtsııa departamenti bastyǵynyń orynbasary Jasqaırat Qaıyrov.
Shet aýdanynda ońtústik baǵytta aýa raıynyń kúrt nasharlaýyna baılanysty 142 júk, 74 jeńil avtokólik jáne bir avtobýstan turatyn kolonna kepteliste tur. Kólikterde 400-den asa adam bar. Polıtseıler jol qozǵalysyna qatysýshylardyń qaýipsizdigin qamtamasyz ete otyryp, kolonnany Qaraǵandyǵa deıin alyp júrý josparlanǵan.
«Qazgıdromet» boljamyna sáıkes taıaý kúnderi óńirde aýa temperatýrasy -34 ° C deıin tómendeýi múmkin. Polıtsııa departamenti turǵyndard aýa-raıynyń qooaısyzdyǵyna baılanysty bolatyn qaýip-qaterlerdiń aldyn alý úshin eldi mekenderden tys jerlerge shyǵýdan bas tartýǵa shaqyrady.
Eske salaıyq, aýa raıynyń nasharlaýyna baılanysty Qaraǵandy oblysynyń tas joldarynda myńnan astam kólik turyp qalǵan.
Óńir qutqarýshylary jolaýshylardy jylytý pýnktterine evakýatsııalady.