Temirtaýdaǵy tórt gaz taratý qondyrǵysynyń jóndeý jumystary jaqynda aıaqtalady
TEMІRTAÝ. ASTANA. KAZINFORM — Tórt kúrdeli jóndeýden ótken gazgolder qyrkúıek aıynda 19 kópqabatty úıdi gazben jabdyqtaýdy qaıta bastaıdy. Qazir merdiger kompanııa naızaǵaıdan saqtaıtyn qajetti elektrohımııalyq qorǵanysty qosyp jatyr. Bul týraly Qaraǵandy oblysy ákimdiginiń baspasóz qyzmeti málim etti.
– Elektrohımııalyq qorǵanys ornatyldy, jaqyn arada tehnıkalyq sharttar daıyndalady. Sodan keıin ol elektr jelilerine qosylady. Gazgolderlerge naızaǵaı túsken jaǵdaıda jarylystardyń aldyn alý úshin qorǵanys qajet, – dedi Temirtaý TKSh bólimi basshysynyń mindetin atqarýshy Aqyljan Ýakıtov.
Temirtaýda TKSh bóliminiń balansynda 17 gaz taratý qondyrǵysynyń 11-i bar. Bıyl GTQ ornatylǵannan beri alǵash ret onyń tórteýin jóndeýge qarajat bólindi.
Qala ortalyǵynyń gaz ustaýshylary eshqashan kúrdeli jóndeýden ótken emes. Gaz taratý jelileri de tozǵan. Kelesi jyly taǵy jeti gaz taratý qondyrǵysyn kúrdeli jóndeý josparlanǵan. Qazirgi ýaqytta jobalaý-smetalyq qujattama ázirlenip jatyr.
