Temirtaýdaǵy gaz jarylysy: dárigerler zardap shekken áıeldiń jaǵdaıy týraly aıtty

TEMІRTAÝ. KAZINFORM — Temirtaý qalasyndaǵy dúkende gaz jarylysynan zardap shekken áıeldiń jaǵdaıy belgili boldy.  

«Ártúrli dene bólsheginde termııalyq kúıikteri bar naýqas aýrýhanaǵa jatqyzyldy. Jeńil jaraqattyq shok tirkelgen. Naýqas esin biledi. Qazirgi ýaqytta dıagnostıkalyq sharalar kesheni júrgizilip jatyr. Jaǵdaıy ortasha aýyr», - dep habarlady Qaraǵandy oblysynyń Densaýlyq saqtaý basqarmasy.

Esterińizge sala keteıik, búgin tańǵy saǵat 8:06-da Temirtaýdaǵy eki qabatty dúkende gaz jaryldy. Qutqarýshylar úıindilerdiń astynan 1973 jyly týǵan áıeldiń denesin alyp shyqty. Belgili bolǵandaı, marqum dúken satýshysy bolǵan. Al ekinshi zardap shekken áıeldiń saýda jasaýǵa kelgen qala turǵyny ekeni anyqtaldy. Ol aýyr jaǵdaıda aýrýhanaǵa jetkizilgen bolatyn. 

Aıta keteıik, qazirgi kezde úıindilerdi arshý jumystary jalǵasyp jatyr. Oqıǵa ornyna barlyǵy 177 adam jáne 38 birlik tehnıka jumyldyryldy.