Temirtaýda jedel járdem júrgizýshisine shabýyl jasaǵan eki jigit ustaldy

ASTANA. KAZINFORM - Polıtsııa qyzmetkerleri Temirtaýda jedel járdem júrgizýshisine shabýyl jasaǵan kúdiktilerdi ustady. Medıtsına mekemesiniń qyzmetkerin soqqyǵa jaqqandar qalanyń eki turǵyny bolyp shyqty, dep habarlaıdy Kazinform tilshisi.

26 aqpanda saǵat túngi 1:00 shamasynda Temirtaýda kópqabatty úıdiń aýlasynda belgisiz adamdar shaqyrtýǵa kelgen jedel járdem júrgizýshisine shabýyl jasaǵan.

"Belgisiz bireýler medıtsınalyq qyzmetkerlerin alyp kelgen 45 jastaǵy jedel járdem júrgizýshisine dene jaraqatyn keltirgen. Saldarynan jábirlenýshi aýrýhanaǵa jatpaı, medıtsınalyq mekemege júgindi. Polıtsııa qyzmetkerleri 25 jáne 29 jastaǵy eki kúdiktini ustady. Kúdiktiler ýaqytsha ustaý ızolıatoryna qamaldy", - dep habarlady Qaraǵandy oblysy PD baspasóz qyzmeti.

Shabýyl sebepteri ázirge belgisiz. Eki kúdiktige qatysty qylmystyq is qozǵaldy. Tergeý júrgizilýde.

Esterińizge sala keteıik, dál osyndaı jaǵdaı Qaraǵandyda 27 qańtarda bolǵan. Ol kezde er adam jedel járdem kóligi onyń jolyn bógegeni úshin júrgizýshini uryp-soqqan.

Sodan keıin  jazadan qutylmaq bolyp jasyrynǵan ony qystaqtardyń birinen polıtsııa ustap aldy.