Temirtaýda zańsyz saýda ornynan 300 lıtrden astam alkogol tárkilendi

ASTANA. KAZINFORM — Temirtaýda polıtsııa qyzmetkerleri zańsyz alkogol men temeki ónimderin satqan oryndy anyqtady. Tekserý barysynda qoldan jasalǵan alkogol, syra, sharap, konıak jáne temeki ónimderiniń iri partııasy tárkilendi.

Temirtaýda zańsyz saýda ornynan 300 lıtrden astam alkogol tárkilendi
Foto: Polisia.kz

Reıdti polıtsııa qyzmetkerleri jastar qozǵalysynyń eriktilerimen birlesip, «Zań men tártip» qaǵıdaty aıasynda ótkizgen.

Shyǵys polıtsııa bóliminiń ýchaskelik ınspektorlary lıtsenzııasyz, tıisti tańbalaýsyz jáne shyǵý tegin rastaıtyn qujattarsyz alkogol men temeki ónimderin saqtap, satý deregin anyqtady.

Zańsyz aınalymnan 167 lıtr qoldan jasalǵan alkogol, 121 bótelke syra, 17 bótelke sharap jáne 10 bótelke konıak alynǵan. Budan bólek, 9 blok temeki, 121 qaptama snıýs jáne 117 qaptama nasybaı tárkilendi.

Jınalǵan materıaldar Temirtaý qalasy boıynsha memlekettik kirister basqarmasyna joldandy. Mamandar zań buzýshylyqqa quqyqtyq baǵa berip, kinálilerdi jaýapkershilikke tartý máselesin qaraıdy.

Eske salaıyq, buǵan deıin Oralda kólikten 400 lıtrge jýyq zańsyz alkogol ónimi tabylǵanyn habarlaǵan edik.