Temirtaýda órtke oranǵan páterden 84 jastaǵy áje qutqaryldy

ASTANA. KAZINFORM — Qaraǵandy oblysynyń órt sóndirýshileri der kezinde kelip, oqys oqıǵaǵa tap bolǵan áıeldi qutqardy. Bul týraly TJM baspasóz qyzmeti málimdedi.

— Temirtaý qalasy Mendeleev kóshesi boıynda úsh qabatty turǵyn úıdiń úshinshi qabatyndaǵy páterde qoqys órtendi. Órtti sóndirý jumystary barysynda qutqarýshylar páterden 1940 jyly týǵan áıeldi qutqaryp, úıden tabylǵan 1 gaz ballonyn qaýipsiz aımaqqa shyǵardy. Oǵan medıtsınalyq kómek qajet bolmady. TJM kúshimen janý tolyǵymen sóndirdi, — delingen habarlamada.

TJM azamattardan órt qaýipsizdigi erejelerin saqtaýdy suraıdy.

Buǵan deıin habarlaǵanymyzdaı, ShQO-da pesh jaǵyp otyrǵan 11 myńnan astam úıde qaýipsizdik erejeleri saqtalmaǵan.