Temirtaýda avtobýs aǵashqa soǵylyp, júrgizýshisi kóz jumdy

ASTANA. KAZINFORM — 14 qarashada saǵat 10:30 shamasynda Temirtaý qalasynda jolaýshylar avtobýsy jol jıegindegi aǵashqa soǵyldy. Oqıǵa saldarynan 64 jastaǵy júrgizýshi qaza tapty.

Temirtaýda avtobýs aǵashqa soǵylyp, júrgizýshisi kóz jumdy
Vıdeodan alynǵan kadr

Qaraǵandy oblysy polıtsııa departamentiniń málimetinshe, aldyn ala boljam boıynsha, Yutong markaly avtobýstyń júrgizýshisi qozǵalys kezinde kenetten ózin jaısyz sezinip, esinen tanyp qalǵan. Sonyń saldarynan avtobýs basqarýdan shyǵyp, aǵashqa soǵylǵan.

Apat kezinde avtobýsta shamamen 15 jolaýshy bolǵan. Olardyń eshqaısysy zardap shekken joq.

Atalǵan derek polıtsııada tirkeldi. Qazir oqıǵanyń mán-jaıy anyqtalyp jatyr.

Eske salaıyq, buǵan deıin Aqmola oblysynda bolǵan jol apatynan bir adam kóz jumyp, bes jolaýshy, onyń ishinde tórt bala jaraqat alǵanyn habarlaǵan edik.