Temirtaýda 6 jasar bala muzǵa batyp mert boldy
QARAǴANDY. KAZINFORM - Temirtaýda qutqarýshylar muz astyna túsip ketken 6 jasar balanyń máıitin alyp shyqty, dep habarkaıdy Kazinform tilshisi.
Qaıǵyly oqıǵa búgin, Temirtaý qalasynda, Nura ózeni ústindegi kópir mańynda bolǵan.
«13 jeltoqsan kúni 112 pýltine Temirtaýda eresekterdiń qaraýynsyz qalǵan balanyń muz astyna túsip ketkeni týraly aqparat tústi», - dep málim etti Qaraǵandy oblysynyń TJD baspasóz qyzmeti.
Oqıǵa ornyna TJD qutqarýshylary jetken. Jedel sharalar barysynda qutqarý jasaǵynyń kúshimen 2018 jyly týǵan balanyń denesi sýdan shyǵaryldy. Oqıǵanyń sebepteri anyqtalýda.
Osyǵan deıin Qaraǵandy oblysynda eki balyqshy qutqarylǵany týraly habarladyq.
