Temirtaý mańyndaǵy tas jolda 50-ge jýyq kólik keptelip qaldy

ASTANA. KAZINFORM – Qaraǵandy ​​oblysynda aýa raıy kúrt nasharlady. Qarly boran saldarynan Qaraǵandy-Temirtaý tas joly jabyldy, dep habarlaıdy Kazinform tilshisi. 

Saǵat 00:30-dan bastap Qaraǵandy-Astana baǵytyndaǵy kólik qozǵalysy shekteldi.

— 2 qańtarda aýa raıynyń nasharlaýyna, janama jel men qarly boranǵa baılanysty Almaty-Ekaterınbýrg tas jolynda Qaraǵandy ​​qalasynan Aqmola oblysyna qaraı saǵat 00:30-dan bastap kólik qozǵalysy shekteldi. Qazir tólem termınalynda 50-ge jýyq kólik tur. Qurmetti kólik júrgizýshileri, aýa raıynyń nasharlaýyna baılanysty alys saparǵa shyqpaýlaryńyzdy suraımyz, - dep habarlady Qaraǵandy ​​oblysynyń polıtsııa departamentiniń baspasóz qyzmeti.

Eske sala keteıik, buǵan deıin Aqmola oblysynda birneshe jol ashylǵanyn habarlaǵan edik.