Temirtaý ákiminiń áleýmettik máseleler jónindegi orynbasary taǵaıyndaldy

TEMІRTAÝ. KAZINFORM — Temirtaý ákiminiń 2025 jylǵy 25 tamyzdaǵy ókimimen áleýmettik máselelerge jetekshilik etetin qala ákiminiń orynbasary laýazymyna, ákim apparaty basshysy qyzmetinen ishki aýystyrý tártibimen, Raýan Azamatuly Taran taǵaıyndaldy.

Raýan Azamatuly 1992 jyly Qaraǵandy oblysynda týǵan, eki joǵary bilimi bar.

Qaraǵandy memlekettik tehnıkalyq ýnıversıteti (2013 jyl, kásibı oqytý), Qaztutynýodaǵy Qaraǵandy ekonomıkalyq ýnıversıteti (2018 jyl, ıýrısprýdentsııa, ekonomıkany quqyqtyq retteý).

Memlekettik qyzmet ótili — 8 jyldan astam.

2013 jyldan bastap Qaraǵandy oblysynda jastar saıasaty salasynda eńbek etti: ınspektor, bólim meńgerýshisi, bas maman, bólim jáne basqarma basshysy qyzmetterin atqardy.

2022–2023 jyldary Qaraǵandy oblysynyń jastar saıasaty máseleleri basqarmasyn basqardy.
2023 jyldan beri Temirtaý qalasy ákiminiń apparatynyń basshysy qyzmetin atqardy.

Osyǵan deıin Qaraǵandy oblysynyń Bilim basqarmasynyń basshysy laýazymyna Dýlat Jekebaev taǵaıyndalǵany jaıly habarlaǵan bolatynbyz.