Temirlan Tileýles — Azııa oıyndarynda chempıon atanǵan tuńǵysh qazaq taekvondoshysy
ASTANA. KAZINFORM — Japonııanyń Aıchı prefektýrasy men Nagoıa qalasynda ótip jatqan jazǵy Azııa oıyndarynda Qazaqstan taekvondodan tarıhı nátıjege qol jetkizdi, dep habarlaıdy Sportty damytý dırektsııasynyń baspasóz qyzmeti.
Erler arasynda 58 kg deıingi salmaqtyń fınalynda otandasymyz Temirlan Tileýles fınalda Kýrt Braıan Barbozamen kúsh synasty. Tartysty jekpe-jekte otandasymyz jeńiske jetip, qazaqtan shyqqan tuńǵysh Azıada jeńimpazy atandy.
Osyǵan deıin sary qurlyq básekesiniń aqtyq synyna 3 otandasymyz shyǵyp, kúmis júldeni mise tutqan. Olar:
Ferýza Ergeshova (Gýanchjoý-2010, 73 kg)
Nursultan Mamaev (Inchhon-2014, -58 kg)
Jansel Denız (Djakarta-2018, 73 kg)
Endi búgin Tamırlan fınaldaǵy osy sátsiz serııaǵa núkte qoıdy.
Búgin Tileýles alǵashqy aıqasynda Oman ókiliniń, shırek fınalda álem chempıony Abolfazl Zandıdiń jolyn kesti. Al jartylaı fınalda Ońtústik Koreıa ókili An Hıansıkti utqan (2-1).
Buǵan deıin Aıbek Oralbaı Qazaqstan qorjynyna altyn júlde salǵanyn jazdyq.
