Temirlan Muqataev Jalolovty nokaýtpen jeńip, Azııa chempıony boldy

ASTANA. KAZINFORM – Qazaqstandyq boksshy Temirlan Muqataev Astanada ótip jatqan jastar arasyndaǵy Azııa chempıonatynyń aqtyq synynda ózbek boksshysy Samandar Jalolovpen judyryqtasty. Bul týraly Sports.kz jazdy.

Muqataev pen Jalolov 86 keli salmaqta 22 jasqa deıingi boksshylar arasynda ótken týrnırdiń fınalynda kezdesti. Tartysty jekpe-jek barysynda qazaqstandyq boksshy qarsylasyn birinshi raýndta bir ret, ekinshi raýndta eki ret nokdaýnǵa túsirip, tehnıkalyq nokaýtpen jeńiske jetti.

Osylaısha, Temirlan Muqataev 22 jasqa deıingi boksshylar arasynda Azııa chempıony atansa, Samandar Jalolov qurlyq birinshiligin kúmis medalmen aıaqtap otyr.

Buǵan deıin bokstan Astanada ótken jastar arasyndaǵy Azııa chempıonatynda Qazaqstan quramasy 11 altyn medal jeńip alyp, jalpykomandalyq esepte birinshi orynǵa ıe bolǵanyn jazǵan bolatynbyz.