Temirlan Muqataev U22 sanatyndaǵy Azııa chempıonatynyń altyn júldesin ıelendi

ASTANA. KAZINFORM – Qazaqstan erler quramasy Bangkokta (Taıland) ótip jatqan U22 sanatyndaǵy Azııa chempıonatynda úshinshi altyn medalin aldy. 

Bokstan erler arasyndaǵy Qazaqstan quramasynyń ókili Temirlan Muqataev fınalda ózbekstandyq qarsylasynyń mysyn basyp, altyn júldege qol jetkizdi. 

Otandasymyz 90 kelige deıingi salmaqta sharshy alańǵa shyǵyp, Shahzod Polvonovty aıqyn basymdylyqpen jeńdi. 

Osylaısha, Qazaqstan quramasynyń qorjynynda úsh altyn jáne eki kúmis medal bar. Buǵan deıin Nurıslam Qaldybaev (60 kelige deıin), Sanjaráli Begalıev (80 kelige deıin) jeńimpaz atansa, Ilıa Kalının (65 kelige deıin) jáne Nurbek Mursal (70 kelige deıin) kúmis medal ıelengen bolatyn.