«KAZAKH INVEST» UK» AQ Basqarma tóraǵasynyń eki orynbasary taǵaıyndaldy
ASTANA. KAZINFORM – Dırektorlar keńesiniń sheshimimen Temirlan Rahatuly Keldibaev pen Azat Qabdrashıtov «KAZAKH INVEST» UK» AQ Basqarma tóraǵasynyń orynbasary bolyp taǵaıyndaldy, dep habarlaıdy ulttyq kompanııanyń baspasóz qyzmeti.
Temirlan Rahatuly Keldibaev M.V. Lomonosov atyndaǵy Máskeý memlekettik ýnıversıtetiniń ekonomıka fakýltetin támamdaǵan, sondaı-aq Barselonadaǵy Menedjment joǵary mektebin bıznes ákimshiligi mamandyǵy boıynsha MBA dárejesine ıe.
2016 jyly – «Astana EKSPO» UK» AQ Uıymdastyrý-baqylaý departamentiniń menedjeri.
2017 jyly – Barselona qalasyndaǵy Qazaqstan Respýblıkasy konsýldyǵynyń ınvestıtsııalar jónindegi mamany.
2018-2019 jyldary – «Astana ÁKK» AQ Aktıvterdi basqarý departamentiniń menedjeri.
2019 jyly – «Samuryq-Qazyna» UÁQ» AQ operatsııalyq qyzmet departamenti hatshylyǵynyń menedjeri.
2019-2023 jyldary – «Astana» ÁKK» AQ korporatıvtik hatshy qyzmetiniń basshysy, aktıvter jáne strategııa jónindegi basqarýshy dırektory jáne Basqarma tóraǵasynyń orynbasary.
2023-2025 jyldary – «Investıtsııalar jáne kásipkerlikti damytý basqarmasy» MM basshysynyń orynbasary.
2025 jyldan bastap osy taǵaıyndaýǵa deıin – «Transtelekom» AQ-da qyzmet atqardy.
Al Azat Qabdrashıtov Prezıdenttik jastar kadrlyq rezerviniń múshesi.
M.V. Lomonosov atyndaǵy Máskeý memlekettik ýnıversıtetiniń ekonomıka fakýltetin támamdaǵan, Sıngapýr Ulttyq ýnıversıtetiniń strategııa jáne analıtıka mamandyǵy boıynsha MBA dárejesine ıe.
2014 jyly – Almaty qalasyndaǵy KPMG Kazakhstan kompanııasynyń energetıka salasy boıynsha aýdıtory.
2016–2018 jyldary – «QazMunaıGaz» Barlaý óndirisi» AQ-nyń qarjy taldaýshysy.
2018–2021 jyldary – Atyraý qalasyndaǵy «Embimunaıgaz» AQ-nyń aǵa qarjy taldaýshysy.
2022 jyly – Sıngapýr qalasyndaǵy EcoLabs Energy Innovation Center kompanııasynyń Cleantech baǵdarlamasynyń menedjeri.
2022–2023 jyldary – «Samuryq-Qazyna» AQ-nyń ınnovatsııa jáne bilimdi basqarý bóliminiń basshysy.
2023–2024 jyldary – «Halyqaralyq jasyl tehnologııalar ortalyǵy» KEAQ-nyń jasyl tehnologııalar departamentiniń dırektory.
2023–2026 jyldary – Sıngapýr qalasyndaǵy SunGreenH2 Pte Ltd kompanııasynyń vıtse-prezıdenti.
2026 jyly osy taǵaıyndaýǵa deıin – «KAZAKH INVEST» UK» AQ-nyń Strategııalyq ınvestıtsııalyq jobalar boıynsha keńesshisi qyzmetin atqardy.
Osyǵan deıin Nazgúl Hatepovanyń QR aýyl sharýashylyǵy vıtse-mınıstri bolyp taǵaıyndalǵany týraly jazdyq.
