Temirlan Ábdiraıymov bessaıystan Álem kýbogy kezeńinde irikteý synynan sátti ótti
ASTANA. KAZINFORM - Qazaqstandyq Temirlan Ábdiraıymov Býdapeshttegi (Vengrııa) qazirgi bessaıystan Álem kýbogy kezeńinde irikteý synynan sátti ótti, dep habarlaıdy QR Ulttyq olımpıadalyq komıteti.
Іrikteý kezeńinde qazaqstandyq sportshy A biliktilik tobynda óner kórsetti. Ol jalpy esepte 1563 upaı jınap, 34 qatysýshynyń arasynda altynshy orynǵa turaqtady.
Bul nátıje oǵan halyqaralyq týrnırdiń jartylaı fınalyna joldama alýǵa múmkindik berdi.
Osy topta jartylaı fınalǵa shyǵý úshin taǵy bir qazaqstandyq sportshy Lev Chývashov ta baq synady.
Alaıda ol 1517 upaımen 18-oryn alyp, jekeleı syndaǵy jarysty aıaqtady. Al D tobynda Konstantın Sychev 27-orynǵa, Kırıll Stadnık 33-orynǵa turaqtady. Olar da kelesi kezeńge óte almady.
Osyǵan deıin voleıboldan Azııa kýbogynda Qazaqstan quramasy jartylaı fınalǵa joldama alǵany týraly jazdyq.
