Temirbek Júrgenov atyndaǵy óner akademııasynda oqý teatry ashyldy
ASTANA. KAZINFORM — Búgin Temirbek Júrgenov atyndaǵy Qazaq ulttyq óner akademııasynda kúrdeli jóndeýden ótken oqý teatrynyń resmı ashylý rásimi ótti. Bul týraly Mádenıet jáne aqparat mınıstrligi málim etti.
Saltanatty lenta qııý rásimine Akademııa rektory Arman Júdebaev, metsenat Murat Ádilhanov jáne zııaly qaýym ókilderi men óner qaıratkerleri qatysty.
Іs-shara kontserttik baǵdarlamaǵa ulasyp, Akademııanyń belgili ánshileri men shyǵarmashylyq ujymdary óner kórsetti.
Aıta ketý kerek, bıyl sáýir aıynda qabyldanǵan Akademııa men «FalconEuroBus» kompanııasy arasyndaǵy mańyzdy kelisim aıasynda jańa birlesken jobalar men bastamalar júzege asyrylýda. Solardyń biri birneshe býyn ónerpazdaryn daıyndap shyǵarǵan sheberhana — oqý teatry. Bul sahna áli de talaı kásibı sheberlerdi tárbıelep, ulttyq ónerdiń damýyna úles qosary anyq.
Aıta keteıik, Qazaqstandaǵy teatrlardyń 79,7%-y memleket menshiginde.