Temir jol kóligimen júk tasymaldaý tarıfi saralanady – Marat Qarabaev

ASTANA. KAZINFORM – Temir jol kóligimen júk tasymaldaý tarıfi saralanady. Bul týraly Kólik mınıstri Marat Qarabaev aıtty.

«Bizde tasymaldanatyn júkterdiń 88 paıyzy ózin ózi aqtamaıdy. Naqtyraq aıtqanda, Qazaqstan temir joly kómir syndy júkterdi tasymaldaýdy 300 mlrd teńgege deıin sýbsıdııalap otyr. Sondyqtan tarıftik júıe ary qaraı da saralanatyn bolady. Tarıfti saralaý bylaı bolady. Eger otandyq ónim eksportqa shyǵatyn bolsa ári daıyn ónim bolsa, onda baǵasy bir bolady. Al shıkizat bolsa, onda onyń tasymaldaý tarıfi qymbatqa túsedi. Mundaǵy maqsatymyz – shıkizatty múmkindiginshe ishte qaıta óńdeýge yntalandyrý», - dedi mınıstr Senattyń jalpy otyrysynda depýtattardyń saýalyna oraı.

Onyńa atap ótýinshe, qazirgi ýaqytta temir jol kóligimen júk tasymaldaý tarıfi bekitilip otyr. 

«Endi árbir taýar boıynsha jeke-jeke jumys isteımiz», - dedi Marat Qarabaev.