Temir jol bıletteri qymbattaı ma – QTJ basshysynyń jaýaby

ASTANA. KAZINFORM – «Qazaqstan temir joly» UK» AQ-nyń basqarma tóraǵasy Nurlan Saýranbaev jolaýshylar poıyzyna bılet baǵasynyń qymbattaý múmkindigine qatysty saýalǵa jaýap berdi.

«Qymbattamaıdy. Ázirshe, mundaı josparymyz joq», - dedi ol Senattyń jalpy otyrysynan keıin BAQ ókilderiniń saýalyna oraı.

Sonymen qatar QTJ basshysy búginde jolaýshylar tasymaly memleket tarapynan sýbsıdııalanatyndyǵyn eske saldy. 

«Sońǵy ýaqytqa deıin bizdegi dızel otynynyń tarıfi qandaı bolǵanyn bilesizder me? Biz dızel otynyn 350 teńgeden satyp alamyz. Al bizdiń tarıfimizde 250 teńgeden bekitilgen», - dedi Nurlan Saýranbaev.